لو شيلت النسر هتختار ايه مكانه؟؟

لو ينفع تغير النسر اللى على علم مصر
هتحط مكانه ايه حاجه تكون شبهنا اوى ؟؟
انا كنت بفكر فينا كمصريين يعنى واكتشفت حاجات جميله
بس مكنتش واخد بالى مثلا ان احنا بتوع شغل فى الاصل الاصل يعنى حنا بنقدر نبدل مجهود كبير جدا فى الشغل بس مش بنعمل كده للاسف بنستهبل _بنستسهل او بنكسل بنتحرك بالراحه كده واحنا شايفين الدنيا بتجرى حوالينا عادى ولا فى دماغنا!!!!!!!!!!
فى كمان ميزه عندنا ان احنا شاطريين واللهى العظيم شاطريين
وتاخد المصرى ده وتحطه فى نظام مظبوط واديلوه فرصه مناسبه لموهبته واتفرج على اللى هيعمله وده اللى حاصل من زمان العالم كله شاهد على اننا شطار وعباقره ومفيش مننا اتنين (احمد زويل_البرادعى) وناس كتيره اوى وانا بقول كده مش عشان نندب حظنا لالا ده عشان لو النظام ده مش عندنا نتصرف كل واحد بطريقته كل واحد باللى يقدر عليه بس لازم نتحرك للامام عشان منفضلش نرجع لورا طب والنبى لو عندنا القدرات دى ومش بنستغلها يبقى نستاهل ننجح ازاى
يا جماعه اللى اكتشفته فى الاخر ان احنا منستهلش النسر
عشان النسر بيرمز للقوه واحنا كده مش اقوياء
فبلاش النسر احنا نحط اى حاجه تانى مكانه شبهنا ؟
ياريت كل واحد يقولى هو هيبدل النسر بايه
انا عن نفسى هختار الارنب عشان الارنب رمز للكسل والخمول وكمان جبان بيخاف من اى حاجه وبيهرب مش بيواجه